Almaniya Bundestaqı növbədənkənar iclasında Almaniya kansleri Olaf Şoltsa etimad göstərməkdən imtina edib və bununla Almaniyada növbədənkənar parlament seçkilərinə yol açıb.
Bu barədə parlametdən verilən məlumatda bildirilib.
Məlumata görə, parlamentdə keçirilən səsvermədə 207 deputat Olaf Şoltsun lehinə, 394 deputat isə əleyhinə səs verib. Məlumatda qeyd olunub ki,116 deputat da bitərəf qalıb.
Səsvermənin nəticələri elan edildikdən sonra kansler Olaf Şoltsun prezident Frank-Volter Ştaynmayerlə görüşəcəyi gözlənilir.
