Rusiyanın paytaxtı Moskvada tanınmış latviyalı basketbolçu Yanis Timmanın meyiti tapılıb.
İdman.biz xəbər verir ki, ilkin olaraq onun intihar etdiyi ehtimal olunur.
32 yaşlı idmançının meyiti Moskvanın mərkəzindəki beşmərtəbələrdən birinin blokunda aşkarlanıb. Onun yanına düşən telefonun üz səhifəsində ayrıldığı həyat yoldaşı Anna Sedokovanın nömrəsi və “Annaya zəng edin” mesajı əks olunub.
Dünən məşhur “VİA Qra” qrupunun sabiq ifaçısı, tanınmış müğənni Anna Sedokovanın ad günü idi. Yanis sosial şəbəkələrdə də onu təbrik edib.
41 yaşlı pop müğənni basketbolçu ilə boşanmağa qərar verib. Məhkəmə dekabrın 9-da onların nikahına xitam verib.
Anna və Yanis bir neçə il Moskvada birlikdə yaşayıblar. Sonra NBA-nın İnkişaf Liqasına yollanan Timma ABŞ-a köçübsə, Sedokova Rusiyada qalıb.
Qeyd edək ki, ABŞ-da möhkəmlənə bilməyən latviyalının son klubu İspaniya təmsilçisi “Obradoyro” olub.
İdman.biz
