Türkiyənin xarici işlər naziri Hakan Fidan Avropa İttifaqının Xarici Əlaqələr və Təhlükəsizlik Siyasəti üzrə Ali nümayəndəsi Kaja Kallas və Niderlandın xarici işlər naziri Kaspar Veldkamp ilə telefon əlaqəsi saxlayıb.
Hakan Fidanın Kaja Kallas ilə apardığı telefon danışığında Suriya və Ukraynadakı son hadisələr müzakirə edilib. Hakan Fidan hollandiyalı həmkarı ilə Suriyadakı son vəziyyət və Qəzzədəki vəziyyət haqqında fikir mübadiləsi aparıb. Telefon danışığında Suriyada əhatəli keçid prosesinin həyata keçirilməsinin vacibliyi vurğulanıb. Hakan Fidan İsrailin Qolan təpələrində beynəlxalq hüquqa zidd hərəkətlərinin Suriyadakı prosesə mənfi təsir göstərdiyini qeyd edib. Görüş zamanı həmçinin Qəzzədə atəşkəsin təmin edilməsi üçün atılacaq addımlar müzakirə olunub.
