Yol hərəkəti qaydalarını kobud şəkildə pozan sürücü videoları “TikTok” sosial şəbəkəsində paylaşılıb.
Avtosfer.az-ın məlumatına görə, görüntülər Bakı-Şamaxı-Yevlax yolunun Müşfiqabad ərazisindən keçən hissəsində qeydə alınıb. Hərəkətdə olan 77-CB-724 dövlət nömrə nişanlı “VAZ-2107” markalı avtomobilin sürücüsü yolda təhlükəli manevrlər edib. Belə ki, o, gah sol zolağa, gah da sağ zolağa keçid edərək “avtoş”luğa meyilli “şou” göstərib. Digər kadrda isə sürücü yük maşınının sağ tərəfinə keçərək onu ötüb, ardınca sol zolağa daxil olub.
Qeyd edək ki, sürücünün törətdiyi qayda pozuntusu İnzibati Xətalar Məcəlləsinin müvafiq maddəsilə nizamlanır.
Nərmin
