Xəbər verildiyi kimi Gəncədə şəxsi yaşayış evlərindən birində partlayış baş verib.
Bizim.Media-nın yerli bürosunun məlumatına görə, hadisə şəhərin Sevinc qəsəbəsi adlanan ərazisində qeydə alınıb.
1977-cü il təvəllüdlü A.Tağıyevin yaşadığı evdə minaatan mərmisi ilə ehtiyatsız davranması nəticəsində partlayış olub. Nəticədə 47 yaşlı kişi aldığı xəsarətlərdən dünyasını dəyişib.
Hadisə yerinə hüquq mühafizə orqanlarının əməkdaşları cəlb olunub.
İlkin məlumata görə, A.Tağıyev mərmini qoyun otaran zaman tapıb.
Faktla bağlı araşdırma aparılır.
Qeyd edək ki, mərhum Asif Tağıyev 44 günlük Qarabağ müharibəsinin şəhidi Eşqin Tağıyevin atasıdır.
Məqsəd Rəhimov, Bizim.Media, Qərb Bürosu
