Bəşər Əsəd rejiminin devrilməsindən bəri Suriyanın mərkəzi bankı öz anbarlarında 2011-ci ildə vətəndaş müharibəsinin başlanğıcı ilə eyni məbləğdə təxminən 26 ton qızıl saxlayır.
Vətəninfo.az xəbər verir ki, bu barədə Reuters məlumat verib.
Eyni mənbələr Suriyanın çox az pul ehtiyatına sahib olduğunu deyirlər.
Mənbələrdən biri Reuters agentliyinə Suriya mərkəzi bankının valyuta ehtiyatlarının cəmi 200 milyon dollar nağd olduğunu, başqa bir mənbə isə dollar ehtiyatlarının təxminən 100 milyon dollar olduğunu bildirib.
Suriya Mərkəzi Bankını məlumat mənbəyi kimi göstərən Ümumdünya Qızıl Şurasının məlumatına görə, 2011-ci ilin iyununda Suriyanın qızıl ehtiyatları 25,8 ton təşkil edib. Bu, Reuters agentliyinin hesablamalarına görə, cari bazar qiymətləri ilə təxminən 2,2 milyard dollar dəyərindədir.
