Almaniyanın məşhur süd məhsulları istehsalçısı olan "Würzburger Milchwerke GmbH" şirkəti bəzi kərə yağı məhsulunu satışdan geri toplamağa başlayıb.
Yeniavaz.com şirkətdən açıqlanan məlumata istinadən xəbər verir ki, məhsulların geri toplanmasının səbəbi kərə yağının içərisində metal qırıntılarının olma ehtimalıdır.
Bildirilib ki, bu məhsulların satışı dayandırılıb. Daha əvvəl bu məhsulları alan istehlakçılar isə onlardan istifadə etməməlidir. Geri qaytarılan məhsullar üçün heç bir qəbz tələb olunmadan verilən ödəniş qaytarılacaq.
Məlumat üçün qeyd edək ki, "Würzburger Milchwerke GmbH" şirkətinə məxsus “Presıdent” markalı kərə yağı Azərbaycanda da satılır.
