Türkiyəli iş adamı İbrahim Umur Akal Bebekdəki malikanəsində ölü tapılıb.
Publika.az xəbər verir ki, iş adamının cəsədini qulluqçusu tapıb. O, Akalı hərəkətsiz görüb və onun həyatını itirdiyini anlayıb, daha sonra isə polisə müraciət edib.
Hadisə yerinə gələn polis qrupları araşdırma başladıb. Akalın bir müddətdir səhhətində müxtəlif problemlər olduğu və müalicə aldığı öyrənilib.
İstanbul Respublika Baş Prokurorluğu Akalın ölümü ilə bağlı şübhəli ölüm istintaqı başladıb. İş adamının meyiti ətraflı müayinə olunmaq üçün ekspertizaya aparılıb.
