Sabah Misli Premyer Liqasının 3-cü turundan təxirə salınmış 1 görüş keçiriləcək.
Offsideplus.az xəbər verir ki, "Şamaxı" "Qarabağ"ı qəbul edəcək.
Bu komandalar arasında 76-cı duel olacaq. İndiyə kimi rəqiblər arasında baş tutan görüşlərin 38-də ağdamlılar qələbə qazanıb. 13 matçda isə şamaxılılar sevinib. 24 qarşılaşmada isə heç-heçə qeydə alınıb.
75 qarşılaşmada qapılara ümumilikdə 154 qol vurulub. Ağdamlılar rəqibini 110 dəfə məyus edib. "Şamaxı" isə "Qarabağ"ın qapısından 44 qol keçirməyi bacarıb.
Bu komandalar arasında keçirilən son 6 Premyer Liqa oyununun hamısında "köhlən atlar" qələbə qazanıb.
Ümumiyyətlə, Azərbaycan çempionatlarında son 20 oyundur ki, "Şamaxı" "Qarabağ"ı məğlub edə bilmir.
