“Dil öyrənməyin düzgün qaydasını bilmirəm”, “Bir neçə kursa getdim heç bir xeyri olmadı”, “Bundan sonra inanmıram ingilis dilini öyrənə bilim”, “Özümdə həvəs yarada bilmirəm” və s. kimi ifadələri ailə üzvlərimizdən ya da tanışlarımızdan çox eşidirik. Dil biliyi demək olar ki, əksər sahələrdə gərəklidir. Ən əsası isə şəxsi inkişafımız baxımından bizim üstünlüyümüzdür. Bəs, hansı yollarla istədiyimiz xarici dili daha tez və düzgün qaydada mənimsəyə bilərik.Təhsil eksperti Elmin Nuri bu barədə Missiya.Az-a açıqlama verərək daha ətraflı danışıb:“İnsan istər ingilis dili, istərsə də hər hansı bir dili müəllim yanına, kursa, gedib-getməməsindən asılı olmayaraq əslində özü bacarığı ilə öyrənir. Nitq dil, şüur və şüuraltı proseslərdir. Müəllim hər hansı bir istiqamət göstərə, tapşırıqları verə bilər, amma öyrənmək şüur, istəklə bağlıdır. Bu ya qəbul olunur, yaxud da olunmur. Xarici dili rahat mənimsəmək üçün bir neçə aspektlərə diqqət yetirmək önəmlidir: 1. Psixoloji; 2. Modern innovativ; 3. Praktiki. Unutmayaq ki, dil öyrənmə prosesi həm də beyin məşqidir”.
Elmin Nuri vurğulayıb ki, telefonumuza bəzi proqramları yükləməklə də dil öyrənə bilərik:“Ən məşhur proqramlardan biri də “Duolingo”dur. Digər bu proqramlar da var ki, onlardan yararlanmaq mümkündür. “Writing”, “reading”, “speaking”– Yazmaq, oxumaq və danışmaq biliklərinə yiyələnə bilərik. “Listen English”, “Learn English” saytları da var. Çox faydalıdırılar. “Youtube” kanallarının sayı da kifayət qədərdir. Özümüz özümüzdə fərqli, innovativ öyrənmə texnikası yaratmalıyıq. Xüsusi məşqlər, oyunlar, tapmacalar, xüsusi üsullarla bunu etməliyik. Yaddaş məşqi də mütləqdir ki, bunun üçün də xüsusi oyunlar mövcuddur”.Zərintac MayisqızıMissiya.Az
