Portuqaliya millisinin və "Əl-Nəsr"in kapitanı Kriştiano Ronaldo FİFA-nın "The Best" mükafatının səsverməsinə qatılmayıb.
QOL.az xəbər verir ki, 39 yaşlı hücumçu səs verməkdən imtina edib.
Onun əvəzinə bunu “Mançester Siti”nin yarımmüdafiəçisi Bernardo Silva edib.
2024-cü ilin ən yaxşı oyunçusu mükafatı üçün səsvermədə yarımmüdafiəçi komanda yoldaşı Rodrini 1-ci, Vinisius Junioru (“Real”) 2-ci, Erlin Haalandı (“Mançester Siti”) isə 3-cü yerə qoyub.
Ronaldo ötən il də "The Best"in səsverməsində iştirak etməmişdi. Onun əvəzinə bunu müdafiəçi Pepe etmişdi.
Qeyd edək ki, 2024-cü ilin ən yaxşı futbolçusu Vinisius Junior seçilib.
