İsrail ordusunun Bəşər Əsədin devrilməsindən sonra 51 ildə ilk dəfə Suriya ərazisinə daxil olması, Colan təpələrindəki bufer zonanı işğal etməsi və irəliləyişini davam etdirməsi böyük əks-səda doğurub.
Medianews.az xəbər verir ki, İsrail ordusuna aid helikopterin Dəməşqdəki hərbi obyektə eniş etməsi və 20 dəqiqə orada qalan əsgərlərin daha sonra bölgəni tərk edərək Suriyanın cənubuna doğru hərəkət etdiyi iddia edilib.
Digər məlumata görə, hücumlar Dəməşqin kənarındakı Sitt Zeynəb bölgəsində İsrail əsgərləri tərəfindən həyata keçirilib.
“Hizbullah”a bağlı “Əl-Mayadin” nəşri çərşənbə axşamı günü İsrail ordusunun Suriyanın bufer zonasında irəliləyişləri barədə məlumat yayıb. Məlumata görə, İsrail qüvvələri Hader şəhərinin kənarına daxil olublar.
Medianews.az
