Bakı,19 dekabr, AZƏRTAC
Bu gün qadın voleybolçular arasında Yüksək Liqanın IV turuna yekun vurulacaq.
AZƏRTAC xəbər verir ki, “Gəncə” evdə UNEC-i qəbul edəcək. Görüş saat 15:00-da başlayacaq. Eyni saatda “Abşeron” və “Azərreyl” komandaları qarşılaşacaq.
İlin son turuna saat 17:00-da keçiriləcək “Milli Aviasiya Akademiyası” - “Murov Az Terminal" oyunu ilə yekun vurulacaq.
Qeyd edək ki, hazırda turnir cədvəlinə 8 xalla “Abşeron” başçılıq edir. Eyni xala malik son çempion “Azərreyl” 2-ci yerdə qərarlaşıb.
