Ermənistan hakimiyyəti Rusiya Erməniləri İttifaqının rəhbəri Ara Abramyanın ölkəyə girişinə qadağa qoya bilər.
Redaktor.az xəbər verir ki, bu barədə “Past” qəzeti məlumat yayıb.
Nəşrin məlumatına görə, Ermənistanın Rusiyadakı səfiri Qurgen Arsenyan Xarici İşlər Nazirliyinə 550-yə yaxın şəxsin adı olan qara siyahı təqdim edib:
“Buraya jurnalistlər, mədəniyyət xadimləri, politoloqlar, Rusiya Erməniləri İttifaqının üzvləri və s. daxildir”.
Qeyd edək ki, bir neçə gün əvvəl politoloq Andranik Miqranyanın Ermənistana girişinə qadağa qoyulub və bu, Rusiyada qeyri-dost addım kimi qiymətləndirilib. İlkin məlumatlara görə, o, valideynlərinin məzarını ziyarət etmək üçün İrəvana gəlib, lakin Zvartnots hava limanında onu geri qaytarıblar (axar.az).
