Rusiyanın “Oreşnik” raketi orta mənzilli silahdır, o, 5,5 min km-ə qədər məsafədə uça bilir, Qərbin raket əleyhinə sistemləri onun qarşısını ala bilməyəcək.
Modern.az xəbər verir ki, bunu Rusiya prezidenti Vladimir Putin mətbuat konfransında bildirib.
“Bu raketləri vurmaq şansı yoxdur. Əgər Qərb ekspertləri əksini düşünürsə, qoy XXI əsrin yüksək texnologiyalı duelini keçirməyi təklif etsinlər. Qoy məhv etmək üçün hansısa hədəfi müəyyən etsinlər... deyək Kiyevdə. Onlar bütün hava hücumundan müdafiə və raketdən müdafiə qüvvələrini orada cəmləşdirəcəklər, biz də “Oreşnik”lə ora zərbə endirəcəyik. Və biz nə olacağını görəcəyik”, - Putin vurğulayıb.
“Oreşnik” Rusiyanın orta mənzilli ballistik raketidir. Bu barədə ilk dəfə 2024-cü il noyabrın 21-də Putin Dneprdəki hərbi-sənaye kompleksinə “Oreşnik”lə zərbə endirildiyini elan edəndə məlum olub. Ertəsi gün o, bildirib ki, Rusiyada istifadəyə hazır belə raketlərin ehtiyatı var və onların kütləvi istehsalı artıq təşkil olunub.
“Oreşnikin maksimal uçuş məsafəsi 5500 km-dir, sürəti təxminən 12,4 min km/saat-dır.
Raket 1,5 tona qədər çəkisi olan döyüş başlığını daşıya bilir.
