Beynəlxalq Qarabağ Təşkilatının (BQT) İdarə Heyəti növbəti toplantısını keçirilib.
"Cebheinfo.az" xəbər verir ki, iclasda təşkilatın İdarə Heyətinin Türkiyə, Rusiya, İsveç və Azərbaycandan olan üzvləri iştirak ediblər.
Təşkilatın Moskvadakı nümayəndəsi Elşən İbrahimovun moderatorluğu ilə keçirilən toplantıda Azərbaycandan BQT-nin koordinatoru Akif Nağı, Şamil Mehdi, Novruz Novruzov, Türkiyədən Ziya Zakir Acar görülən işlər və qarşıda duran vəzifələr barədə fikirlərini bildiriblər.
Akif Nağı təklif edib ki, qarşıdan gələn Dünya Azərbaycanlılarının Həmrəyliyi Günü münasibətilə onlayn formatda əhatəli tədbir təşkil olunsun. Təklif toplantı iştirakçıları tərəfindən yekdilliklə bəyənilib. Tədbirin təşkili üçün üzvlərə konkret tapşırıqlar verilib.
"Cebheinfo.az"
