Xəbər verdiyimiz kimi, Rusiya Prezidenti Vladimir Putin bu gün ənənəvi böyük mətbuat konfransında media nümayəndələrinin və vətəndaşların suallarını cavablandırır.
News365.az-ın “Lenta.ru”ya istinadən məlumatına görə, Rusiya lideri mətbuat konfransına “sakitlik olanda biz darıxırıq” ifadəsi ilə başlayıb.
Belə ki, Putinə hazırda dünyada baş verən hadisələr fonunda Rusiyanın inkişaf etməyə necə davam edə bilməsi ilə bağlı sual ünvanlanıb. O isə bu suala belə cavab verib: “Bilirsiniz, bizdə hər şey sakit, sabit olanda darıxırıq, hərəkətlilik istəyirik”.
