Misli Premyer Liqasında III turdan təxirə salınmış oyun keçirilib.
Moderator.az xəbər verir ki, turnir cədvəlinin lideri “Qarabağ” səfərdə “Şamaxı”nın qonağı olub. Şamaxı şəhər stadionunda təşkil olunan görüşün taleyini 1 qol həll edib.
Matçın əsas vaxtına əlavə olunmuş sonuncu – 4-cü dəqiqədə fərqlənən Musa Qurbanlı Ağdam təmsilçisinə qələbə qazandırıb – 1:0.
Bu nəticədən sonra xallarını 44-ə çatdıran qonaqlar liderliyini möhkəmləndirib. Meydan sahibləri isə 14 xalla 8-ci pillədə qərarlaşıb.
