“Deyirlər ki, aktyor olmaq üçün aktyor doğulmaq lazımdır. Amma məncə, aktyor olmaq üçün şəffaf ürək, istedad və təhsil vacibdir”.
Bu sözləri Hit.az-a Lənkəran Dövlət Dram Teatrının aktrisası, aparıcı səhnə ustası, Prezident mükafatçısı Aynur Əhmədova deyib.
Onun sözlərinə görə, təhsil də diplom xatirinə alınmamalıdır:
“Əgər sən aktyorsansa, daima yeniliklər öyrənməlisən. Müxtəlif teatrlara gedib, tamaşaları izləməlidir. Daim inkişafda olmalı və öz üzərində işləməlidir. Elə hər məclisdə, hər qabağına çıxana “diplomum var”, yaxud da “mən də diplom alacağam” deyib, lovğalıq etməməlidir. Ümumiyyətlə, aktyor paxıllıq nədir bilməməlidir. Aktyor həmkarlarını təkrarlamamalı və onların uğuruna ürəkdən sevinməyi bacarmalıdır”.
Murad
