Rusiya ordusunun Donetsk bölgəsində yerləşən Zelenovka və Novıy Komar yaşayış məntəqələrini ələ keçirdiyi bildirilir.
Bakupost.az xəbər verir ki, bu barədə Rusiya Müdafiə Nazirliyi məlumat yayıb.
"Şərq Hərbi Qrupunun bölmələri Donetsk Xalq Respublikasının Zelenovka və Novıy Komar yaşayış məntəqələrini azad etdi", - deyə nazirliyin açıqlamasında bildirilir.
Qeyd olunur ki, müharibə başlayandan Ukrayna ordusuna məxsus 650 təyyarə, 283 helikopter, 38 mindən çox pilotsuz uçuş aparatı (PUA), 590 hava hücumundan müdafiə raket sistemi, 19 min 844 tank və zirehli texnika, 1502 çox lüləli raket buraxıcı, 19 min 822 haubitsa və minaatan, həmçinin 29 min 326 xüsusi hərbi texnika məhv edilib.
Qeyd edək ki, Rusiya Müdafiə Nazirliyi dünən də Donetsk bölgəsində Trudovoye və Starıye Ternı yaşayış məntəqələrinin nəzarətə alındığını elan etmişdi.
Rəhman Mirzəlizadə, BakuPost
