İngiltərənin "Vulverhempton" klubunda yeni baş məşqçi təyinatı reallaşıb.
Fanat.Az xəbər verir ki, "canavarlar" rəsmi saytı vasitəsilə Vitor Pereyranın təyinatını elan edib.
56 yaşlı mütəxəssis Premyer Liqa klubu ilə 1 il yarımlıq müqavilə imzalayıb.
“Vulverhempton”a təyinatdan əvvəl Pereyra BƏƏ-nin “Əl-Şabab” komandasını çalışdırıb. O, müxtəlif ölkələrdə, xüsusən də Yunanıstan, Türkiyə və Braziliyada iş təcrübəsinə malikdir. Pereyra “Flamenqo”, “Korintians”, “Fənərbaxça”, “Şanxay”, “1860 Münhen”, “Olimpiakos”, “Əl-Əhli”, “Portu”, “Santa Klara”, “Espinyo” kimi komandaları çalışdırıb.
"Canavarlar" bir neçə gün əvvəl Qari Onili istefaya göndərmişdi. "Vulverhempton" hazırda Premyer Liqanın turnir cədvəlində 19-cu yerdədir.
Mirağa
