"Los Anceles Leykers"in üzvü Lebron Ceyms Milli Basketbol Assosiasiyası (NBA) tarixində meydanda keçirdiyi dəqiqələrin sayına görə rekorda imza atıb.
Bakıvaxtı.az xarici KİV-ə istinadən xəbər verir ki, məşhur oyunçu Kareem Abdul-Jabbarı keçib.
39 yaşlı basketbolçu bu uğura "Sakramento Kinqs"ə qarşı oyun zamanı nail olub. NBA-da 22-ci mövsümünü keçirən L.Ceyms 1,517 oyuna çıxıb və ümumilikdə 57,447 dəqiqə meydanda olub.
Qeyd edək ki, Şöhrət Zalının üzvü və altıqat NBA çempionu Abdul-Jabbar isə 20 mövsüm ərzində 1,560 oyunda meydanda 57,446 dəqiqə keçirib.
