“Tottenhem”in baş məşqçisi Angelos Postekoqlu İngiltərə Liqa Kubokunun 1/4 finalında “Mançester Yunayted” üzərində qələbəni (4:3) şərh edib.
Arena.az “Sky Sports” dərgisinə istinadən, yunanəsilli avstraliyalı mütəxəssisin bu barədə fikrini təqdim edir:
“Oyun mənim xoşuma gəldi. Bəs siz şənlənmədinizmi? Bilirəm ki, studiyadakı mütəxəssislər yəqin ki, mənim taktikamın olmadığını deyəcəklər. İndi çoxlu itkin oyunçularımız, müdafiəçilərimiz var, ehtiyatda isə uşaq-muşaq vardi. Bu dövrü keçsək, nəticədə artım əldə edəcəyik.
Bizim necə oynamağımız mənim xoşuma gəldi. Açığı, səhvlər oyunu azacıq korladı – bu, bu mövsümdən əvvəl də olub, amma mən uşaqların zehniyyətini bəyəndim. 1:0 hesabı ilə qalib gəlmək fikrində deyilik, insanları əyləndirmək istəyirik. Mən bunda səhv bir xüsus görmürəm. Səhvlər olur, onlar futbolun bir hissəsidir”, deyə Postekoqlu razılıqla vurğulayıb.
