Yaponiyada yerləşən texnologiya nəhəngi “Sony”nin smartfonlar üçün təsvir sensorları istehsal edən şirkəti “Sony Semiconductor Manufacturing”dən bir açıqlama gəldi.
İndex.az xəbər verir ki, şirkətin yüksək səviyyəli menecerlərindən Yoşihiro Yamaquçinin verdiyi açıqlamada bu günə qədər 20 milyard sensorun satıldığı açıqlanıb.
Təxmin etdiyiniz kimi, smartfon istehsalçılarının kameralara gəldikdə ən çox üstünlük verdiyi marka “Sony”dir. Bu gün “Vivo”dan “Samsung”a qədər bütün dünyada xidmət göstərən demək olar ki, bütün markalar ən azı bəzi modellərində “Sony Semiconductor Manufacturing” tərəfindən istehsal edilən sensorlara üstünlük verirlər. Bu, şirkətə böyük uğurlar qazanmağa imkan verdi.
Yoshihiro Yamaquçinin verdiyi açıqlamaya görə, 2019-2024-cü illər arasında kamera sensoru satışları 10 milyard olaraq qeydə alınıb. Belə yüksək tələbatın səbəbi təbii ki, smartfonlarda kameraların sayının artması olub.
