İngiltərənin "Mançester Yunayted" klubunun yarımmüdafiəçisi Meyson Maunt uzun müddətə sıradan çıxıb.
"Report" xarici KİV-ə istinadən xəbər verir ki, bu barədə komandanın baş məşqçisi Ruben Amorim danışıb.
Mütəxəssis İngiltərə Premyer Liqasının XVI turunda baş tutan "Mançester Siti" ilə matçın (2:1) 14-cü dəqiqəsində zədələnən futbolçunun bir neçə həftə oynamayacağını bildirib.
Qeyd edək ki, "Qırmızı şeytanlar" hazırda turnir cədvəlində 22 xalla 13-cü pillədə qərarlaşıb.
