"Ukrayna münaqişəsi ilə bağlı fikirlər dəyişib və onun sülh yolu ilə həllinə böyük ümid var".
Publika.az xəbər verir ki, bunu Macarıstanın baş naziri Viktor Orban "M1" televiziyasına müsahibəsində deyib.
"Əgər altı ay əvvəl biz Aİ Şurasının sədri vəzifəsinə başlayanda sülhdən danışmaq praktiki olaraq qadağan idisə, indi hamı sülhdən danışır", - Orban deyib.
Orban qeyd edib ki, o, Ukrayna münaqişəsinin həllinə ümidlərini ABŞ-ın yeni seçilmiş prezidenti Donald Trampın qarşıdan gələn andiçmə mərasiminə bağlayır .
Macarıstanın baş naziri amerikalıları “böyük qüvvə” adlandırıb.
