Türkiyə Prezidenti Rəcəb Tayyib Ərdoğanın rəhbərliyi ilə Nazirlər Kabinetinin iclası keçirilir.
Gundem.az xəbər verir ki, bu barədə Türkiyə mediası məlumat yayıb.
Bildirilib ki, iclasda Suriya məsələsi gündəmdə olacaq.
Suriya ərazisinin bir hissəsini nəzarətdə saxlayan terror təşkilatı PKK/YPG-yə qarşı atılacaq siyasi addımlar müzakirə ediləcək.
Bundan başqa, Suriyadakı keçid hökumətlə qurulması planlaşdırılan əlaqələr də qiymətləndiriləcək.
Həmçinin, suriyalı qaçqınların vətənlərinə təhlükəsiz qayıtması da əsas mövzular sırasındadır.
Məlumata görə, iclasda Türkiyə daxili işlər naziri Əli Yerliqayanın indiyə qədər geri dönən qaçqınlarla bağlı kabinet üzvlərinə məlumat verməsi gözlənilir.
