ABŞ-ın keçmiş prezidenti Bill Klinton yüksək hərarətlə xəstəxanaya yerləşdirilib.
NBC News-un məlumatına görə, Klintonda qızdırma yaranıb və testdən keçmək qərarına gəlib.
“Keçmiş prezident yaxşı olacaq… O, şüurlu və ayıqdır”, – telekanal eks-prezidentin köməkçisindən sitat gətirir.
Bundan əvvəl Braziliya prezidenti Luiz İnasiu Lula da Silva San-Pauludakı xəstəxanadan evə buraxılıb.
Qeyd olunur ki, maqnit-rezonans tomoqrafiyası zamanı onun oktyabr ayında aldığı zədə nəticəsində kəllədaxili qansızma olduğu üzə çıxıb. Braziliya lideri hematomu çıxarmaq üçün kraniotomiya əməliyyatı keçirib.
DOĞRU.AZ
