Misli Premyer Liqasında 2024-2025 mövsümünün ilk dövrəsinə yekun vurulub. Geridə qalan 18 turdan sonra turnir cədvəlinə 47 xalla “Qarabağ” başçılıq edir. İkinci pillədə qərarlaşan “Araz Naxçıvan” isə liderdən 8 xal geridə qalır.
İlk dövrənin ardından çempionluq, avrokubok və Premyer Liqada qalmaq uğrunda mübarizə ilə yanaşı, bombardirlik yarışında da qızğın rəqabət gedir. Siyahıda digərinə aşkar üstünlük quran hücumçu görünmür.
Hazırda aktivində 8 qolu olan Coy Lens Mikels (“Sabah”) və Felipe Santos ( “Araz Naxçıvan”) 1-2-ci sıranı bölüşür. Siyahının 3-4-cü pilləsində 7 dəfə rəqib qapılarına yol tapan David Volkovla (“Zirə”) Leandro Andradre (“Qarabağ”) qərarlaşıb.
Azərbaycanlı hücumçular isə bombardilik yarışından uzaq qalıblar. Ən sərrast futbolçularımız Toral Bayramovun 5, Nəriman Axundzadə və Orxan Əliyevin isə aktivində 4 qolu var. Yerli hücumçularımızdan digərləri təəssüf ki, siyahıda yoxdu.
İdmanxeber.az
