“Alkoqollu içkilər xroniki dermatoz, rozasea və digər dəri problemlərinin kəskinləşməsinə səbəb ola bilər”
Medianews.az “Lenta.ru”ya istinadən xəbər verir ki, bu barədə dermatoloq, dermatoveneroloq Natalya Mixaylova deyib.
Mixaylova spirtli içkilərlə əlaqədar dəri xəstəliklərinin inkişafını onunla izah edib ki, onların qəbulu anında stress hormonu olan kortizol qana güclü şəkildə ifraz olunur və bu da belə nəticələrə gətirib çıxaran prosesləri işə salır.
“Qanda yüksək kortizol konsentrasiyası iştahın artmasına və yağ hüceyrələrinin yetişməsinin aktivləşməsinə səbəb olur – adipositlər, dərinin və əzələlərin sallanması və elastikliyinin itirilməsi, saç tökülməsi, dərinin həssaslığının artması, həmçinin sümüklərin kövrəkləşməsinə kömək edir”, – deyə ekspert xəbərdarlıq edib.
Həmçinin, Mixaylovanın sözlərinə görə, alkoqol qanda şəkərin artmasına və dehidrasiyaya səbəb olur ki, bu da orqanizmdə iltihablı prosesə və hüceyrələrin tikinti zülalının – kollagenin məhvinə səbəb olur. Eyni zamanda, spirtli içkilərin qəbulu ilə əlaqədar olaraq, qan damarlarının divarları əhəmiyyətli dərəcədə genişlənir, bunun nəticəsində dermis qırmızı olur və qaşınmağa başlayır və rozasea təzahürləri daha nəzərə çarpır.
Mixailova vurğulayıb ki, bəzi hallarda hətta bir stəkan şərab da xroniki dermatit və ya rozasea xəstəliyinin kəskinləşməsinə səbəb ola bilər.
