Bakıdan Qroznıya uçan “Azərbaycan Hava Yolları”na məxsus sərnişin təyyarəsi Rusiyanın hava hücumundan müdafiə sistemləri ilə təchiz edilmiş bir neçə hərbi obyektinin yerləşdiyi ərazidə vurulub.
Moderator.az "UNİAN"-a istinadla xəbər verir ki, "VÇK-OQPU" layihəsinin yazdığına görə, bu, bir neçə hərbi hissənin yerləşdiyi Çeçenistanın Naurski rayonu üzərində baş verib.
Dispetçerlə ekipaj arasındakı danışıqların stenoqramına görə, pilot təyyarənin güclü zərbəsini quş sürüsü ilə toqquşma kimi qəbul edib. Əslində, zədələr onu göstərir ki, çox güman ki, təyyarənin yaxınlığında hava hücumundan müdafiə raketi partlayıb.
Kanalın əldə etdiyi materiallara görə, bu zərbə təxminən Qroznıdan 18 kilometr şimalda, Qroznı hava limanından şimal-qərbdə, Naurski rayonunda 2,4 min metr yüksəklikdə baş verib.
Açıq mənbələrdən əldə edilən məlumata görə, bu ərazidə bir neçə hərbi hissə, o cümlədən hava hücumundan müdafiə sistemlərinə malik olan hissələr də yerləşir.
Hələ 2011-ci ilin sonunda "Çeçnya segodnya" ("Chechnya Today") saytı bütün Şimali Qafqazın hava məkanına nəzarət edə bilən yeni silahlar haqqında tərifli material dərc etmişdi.
