Ajans.az xəbər verir ki, o, senator Mayk Linin müvafiq bəyanatına cavab verib.
O cümlədən, senator icra hakimiyyətinin başçısına “istənilən vaxt və hər hansı səbəbdən istənilən vəzifəli şəxsi işdən azad etmək” hüququnun verilməsini təklif edib. Linin sözlərinə görə, yeganə istisna ABŞ vitse-prezidenti olmalıdır.
“Politico” daha əvvəl bildirmişdi ki, Mask ABŞ Konqresini Milad ərəfəsində Amerika büdcə layihəsinə yenidən baxmağa məcbur edib. O, bu mövzuda 150-dən çox paylaşım edərək deputatlar arasında xaosa səbəb olub. Konqresmenlər tələm-tələsik yığılmış paketi irəli sürməyə məcbur olublar. Jurnalistlər qeyd ediblər ki, Konqres bunu diqqətlə qurulmuş planların “zəlzələsi” kimi qiymətləndirir.
The New York Times qeyd edib ki, Mask ABŞ-nin yeni seçilmiş prezidenti Donald Trampla birlikdə ABŞ-nin federal xərclərini 2 trilyon dollar azaltmağa hazırlaşır. Lakin analitiklər bu ideyanın effektivliyinə şübhə ilə yanaşır. Onlar hesab edir ki, Mask və Trampın ideyası sosial proqramların xərclərinin artması səbəbindən iflasa uğrayacaq.
