Havayda "United Airlines" təyyarəsinin baqaj hissəsində meyit tapılıb.
Publika.az xəbər verir ki, bu barədə xarici KİV məlumat yayıb.
Bildirilir ki, təyyarə Milad gecəsi səhər Çikaqonun O'Xare hava limanından qalxıb və cəsəd Havaydakı Kaxului hava limanında aşkar edilib.
Aviaşirkət və Maui Polis Departamentinin yaydığı bəyanatda deyilir ki, polis Havay adalarına eniş edən "United Airlines" təyyarəsinin baqaj hissəsində tapılan cəsədi araşdırır.
Hələlik ölənin kimliyi ilə bağlı məlumat yoxdur.
ABŞ Federal Aviasiya Administrasiyasının məlumatına görə, qaçaqçıların səyahət etmək üçün istifadə etdikləri ən çox yayılmış üsul təyyarənin yuxarı hissəsində gizlənməkdir.
