Milad ərəfəsində Havay adalarının Maui hava limanında dəhşətli hadisələr baş verib. Hava limanına enən “United Airlines” təyyarəsinin təkər hissəsində meyit aşkar edilib.
Reyting.az xəbər verir ki, hadisə ilə bağlı araşdırmalara başlanılıb.
Qeyd olunur ki, UA 202 reysi çərşənbə axşamı səhər saat 9:50-də Çikaqodan qalxıb və yerli vaxtla saat 14:00-da Mauiyə çatıb.
Hava yolu şirkəti “United Airlines” bildirir ki, cəsəd “Boeing 787-10” tipli təyyarənin eniş dişli çarxının quyusunda tapılıb və bu, əraziyə yalnız təyyarənin xaricindən daxil ola bilər.
Aviaşirkət əlavə edib ki, həmin şəxsin təkər hissəsinə necə və nə vaxt daxil olduğu aydın deyil. Hadisə ilə bağlı təcili istintaq başladılıb.
Meyitin kişi cinsinə aid olduğu bildirilir.
Səlahiyyətlilər, hava limanının normal işlədiyini və uçuşların bu dəhşətli olaydan təsirlənmədiyini deyiblər.
V. QULİYEV
