Cənubi Koreyanın Muan şəhərində sərnişin təyyarəsinin eniş zamanı idarəetmədən çıxması nəticəsində baş verən qəza zamanı ilkin məlumata görə 122 nəfər həyatını itirib.
“Jeju Air” hava yolu şirkətinə məxsus təyyarə paytaxt Seuldan 288 kilometr cənub-qərbdə yerləşən Muan şəhərindəki Musan Beynəlxalq Hava Limanına eniş zamanı qəzaya uğrayıb. Eniş zamanı idarəetməni itirərək uçuş-enmə zolağından çıxan təyyarə hava limanını əhatə edən çəpərə çırpılıb. Hadisə yerinə gələn qruplar, əsas hissəsi yanaraq zərər görmüş təyyarəyə müdaxilə edərək yanğını söndürüblər və 1 sərnişin ilə 1 ekipaj üzvünü xilas ediblər.
İlkin məlumata görə, qəzada 122 nəfər həyatını itirib. Ancaq 181 nəfəri daşıyan təyyarədə 179 nəfərin həlak olduğu ehtimal edilir.
175 sərnişin və 6 ekipaj üzvü daşıyan təyyarənin Banqkok-Muan reysini həyata keçirdiyi, 2 Tailand vətəndaşı istisna olmaqla digər sərnişinlərin Cənubi Koreya vətəndaşı olduğu bildirilib.
Qəzanın təyyarənin eniş mexanizmindəki nasazlıqdan ortaya çıxdığı, ilk cəhddə eniş mexanizmləri açılmayan təyyarənin ikinci cəhddə məcburi eniş edərkən qəzaya uğradığı qeyd edilib.
