“AS Group” şirkəti Dünya Azərbaycanlılarının Həmrəyliyi Günü və Yeni il ərəfəsində şəhid ailələrinə dəstək, diqqət və qayğı göstərmək üçün onlarla birlikdədir.
Şirkət Vətən Müharibəsi bitdikdən sonra özünün inşa etdiyi Göl-Park Yaşayış Kompleksində mənzil hədiyyə etdiyi şəhid polkovnik-leytenantMehman Qənbərov, qazi Amin Musayev və Mingəçevirdəki Park Residence yaşayış binasında mənzil hədiyyə etdiyi şəhid Niyazi İsgəndərovun ailəsilə görüşərək onlara maddi dəstək və bayram sovqatlarıyla qonaq olub.
“AS Group” həmçinin şəhid XTQ baş giziri Elnur Rüstəmov, şəhid polkovnik-leytenant Həmdəm Ağayev, şəhid polkovnik-leytenant Zaur Cəfərov, şəhid mayor Natiq İsmayılovun ailələrilə görüşərək onlara bayram öncəsi dəstək olub.
Ümumilikdə Vətən Müharibəsi dövründə və müharibədən sonra özünün korporativ sosial məsuliyyət siyasətinə uyğun olaraq “AS Group” şirkət şəhid ailələrinə müxtəlif yardım layihələri həyata keçirib. Bu layihələrin davamlılğını təmin etmək şirkətinin sosial dəstək siyasəti üçün önəmlidir.
“AS Group” və onun layihələri haqqında daha ətraflı məlumat almaq üçün www.asgroup.az saytına daxil ola bilərsiz.
