Ölkəmiz və vətəndaşlarımız qarşısında daim özünün sosial məsuliyyətini qoruyan “AS Group” şirkəti Yeni il ərəfəsində də ənənələrinə sadiqdir.
Şirkət əmədaşları Yeni ilin astanasında “Azərbaycan Uşaqları” İctimai Birliyi, “Təmiz Dünya” Qadın və Uşaq sığınacağı, eləcə də “Ümid yeri” Uşaq Sığınacağındakı uşaqlarla görüşərək onlara bayram sovqatlarını, bu birliklərə zəruri olan məişət avadanlıqlarını çatdırıblar.
2003-cü ildən fəaliyyətə başlayan, istər dövlət, istərsə də özəl sektorda kompleks layihələr həyata keçirən “AS Group” şirkəti fəaliyyət göstərdiyi illər ərzində ölkəmiz, cəmiyyətimiz, vətəndaşlarımız qarşısında məsuliyyətini anlayaraq daim müxtəlif sosial layihələrə dəstək olub. Bunların içərisində şirkətin daim kimsəsiz uşaqlara verdiyi dəstəyi, autizmli və talassemiyalı uşaqlar üçün müxtəlif sosial layhələrdə iştirakını xüsusilə qeyd etmək olar.
“AS Group” və onun layihələri haqqında daha ətraflı məlumat almaq üçün www.asgroup.az saytına daxil ola bilərsiz.
