Zaqatalada ağır yol qəzası baş verib.
APA-nın Şimal-qərb bürosunun məlumatına görə, hadisə ilin son günü dekabrın 31-dən Yeni ilin ilk gününə keçən gecə Yevlax-Zaqatala-Gürcüstan sərhəd magistiral yolunun Zaqatala rayonu Yuxarı Tala kəndi ərazisindən keçən hissəsində baş verib.
İlkin məlumata görə, baş vermiş qəza zamanı biri azyaşlı olmaqla 5 nəfər xəsarət alıb.
Xəsarət alanların bir ailənin üzvüləri olduğu bildirilir.
Faktla bağlı araşdırma aparılır.
