"Qremio"nun futbolçusu Dieqo Kosta azad agent statusunda komandası ilə yollarını ayırıb.
QOL.az xəbər verir ki, bu barədə Braziliya klubunun mətbuat xidməti məlumat yayıb.
36 yaşlı hücumçu "Qremio"ya ötən ilin fevralında keçmişdi. O, bu müddət ərzində 26 matça çıxaraq 8 qol vurub və 5 qolun ötürməsini edib.
Qeyd edək ki, Dieqo Kosta "Atletiko" və "Çelsi" klublarında parlayıb. O, İspaniya klubu ilə 2 dəfə Avropa Liqasının, 3 dəfə UEFA Superkubokunun qalibi olub. London təmsilçisi ilə isə 2 dəfə İngiltərə çempionluğunu götürüb.