Aktyor Azər Baxşəliyevin son durumu açıqlanıb.
Titul.az xəbər verir ki, ATU-nun İctimaiyyətlə əlaqələr şöbəsinin müdiri Günel Aslanova axşam.az-a bildirib ki, aktyorun ürək fəaliyyəti yenidən bərpa olunub və hazırda onun vəziyyəti ağır kritik olaraq qalır:
"Xəstə koma vəziyyətində xəstəxanaya daxil olub. Lakin daha sonra müdaxilələrə baxmayaraq xəstənin ürəyi dayanıb. Bununla bağlı məlumat yaydıqdan dəqiqələr sonra bəlli oldu ki, həkimlərin səyləri nəticəsində xəstənin ürək döyüntüləri bərpa edilib. Hazırda süni tənəffüs aparatına qoşulu vəziyyətdədir. Reanimasiyadadır, vəziyyəti ağır kritik olaraq qalır".
XXXX
17:25
Aktyor Azər Baxşəliyev 39 yaşında vəfat edib.
Titul.az “Qafqazinfo”ya istinadən xəbər verir ki, uzun müddətdir, böyrək çatışmazlığından əziyyət çəkən aktyor bu gün az öncə xəstəxanada vəfat edib.
Qeyd edək ki, A.Baxşəliyevə böyrəkköçürmə əməliyyatı üçün xeyli vaxt idi ki, donor axtarılırdı.
Xatırladaq ki, Azər Baxşəliyev “Bozbash pictures”də “Ağsaqqal” obrazı ilə məşhurlaşıb. Evli idi, bir övladı yadigar qalıb.
XXXX
15:45
"Bozbash pictures"in "Ağsaqqal"ı aktyor Azər Baxşəliyev beyin insultu keçirib.
Aparıcı, aktyor İlkin Həsəni Titul.az-a açıqlamasında bildirib ki, Azər hazırda komadadır.
Ətraflı məlumat veriləcək...
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!
