Birləşmiş Ərəb Əmirliklərinin Flydubai dövlət aviaşirkəti yanvarın 3-dən Dubaydan Soçiyə birbaşa uçuşları bərpa edəcək.
Yenicag.az xəbər verir ki, bu barədə Soçi hava limanı məlumat yayıb.
Bildirilib ki, “Boeing 737” ilə Dubaya həftədə üç dəfə – bazar ertəsi, çərşənbə və şənbə günləri uçmaq mümkün olacaq.
Aviadaşıyıcı Aktauda baş verən təyyarə qəzası fonunda dekabrın 28-dən yanvarın 5-dək Soçi və Mineralnıye Vodıdan Dubaya müntəzəm uçuşları dayandırdığını elan etmişdi.
