Ötən ilin dekabr ayının əvvəlində ABŞ-ın yeni seçilmiş prezidenti Donald Trampla telefon danışdım. Ukraynadakı vəziyyəti də müzakirə etdik.
Teleqraf.com xəbər verir ki, bu sözləri Qazaxıstan prezidenti Kasım-Jomart Tokaye "Ana dili" qəzetinə müsahibəsində söyləyib.
Tokayev qeyd edib ki, münaqişənin nizamlanması ilə bağlı qərar tərəflərindən və ən əsası, Trampdan asılıdır.
“Telefon danışığı zamanı Donald Tramp Ukraynada hərbi əməliyyatların dayandırılması ilə bağlı baxışımızı soruşdu, bu mövzu mənim üçün yeni deyil, çünki 2024-cü ildə bir çox dövlət başçıları və beynəlxalq təşkilatlar mənə eyni sualı veriblər”, - deyə Tokayev bildirib.
Qazaxıstan prezidenti əlavə edib ki, münaqişənin durdurulması bir dünya dövlətinin lideri kimi Trampın özünün iradə və istəyindən asılıdır.
