ABŞ-ın Cənubi Kaliforniya ştatında kiçik mühərrikli təyyarə ticarət binasına çırpılıb. Hadisə nəticəsində 2 nəfər ölüb, 18 nəfər isə yaralanıb. Məlumata görə, yaralılardan 10 nəfəri xəstəxanaya aparılıb, 8 nəfərə isə hadisə yerində tibbi yardım göstərilib.
Səlahiyyətlilər qəzanın necə baş verdiyi barədə hələlik açıqlama verməyib. Ölənlərin binada çalışan işçilər, yoxsa təyyarənin sərnişinləri olduğu barədə də məlumat verilmir.
Polis, qəzanın baş verdiyi ərazidəki binaların boşaldıldığını və əhalidən hadisə yerinə yaxınlaşmamağı xahiş edib.
