Amerikalı jurnalist Cekson Hinkl Ukrayna münaqişəsi ilə bağlı fikir ayrılıqlarına görə ABŞ-ın yeni prezidenti Donald Trampın administrasiyası üçün “müharibə” olacağını proqnozlaşdırıb.
NOCOMMENT.az xəbər verir ki, o, bu barədə RİA Novosti ilə söhbətində danışıb.
Ekspertin fikrincə, gələcək administrasiyaya seçilən respublikaçılar münaqişəyə son qoymağın zəruriliyini bəyan etsələr də, bu, onların sülh yolu ilə nizamlanmasına sadiq olduqlarını göstərmir. “Məncə, onlar zahirdə Trampın sülhsevər xəttini izləyəcəklər, amma pərdə arxasında “vətəndaş müharibəsi”nin baş verəcəyini düşünürəm”, – deyə jurnalist yekunlaşdırıb.
Daha əvvəl Hinkle Rusiya və ABŞ prezidentləri Vladimir Putin və Donald Tramp arasında görüşün neytral yerdə – məsələn, Hindistanda keçirilə biləcəyini təklif etmişdi. Jurnalist Rusiya və ABŞ liderlərinin görüşə biləcəyi ölkələr sırasında İsrail və Türkiyənin də adını çəkib.
