“İnter”in baş məşqçisi Simone İnzaqi İtaliya Super Kubokunun yarımfinal oyununda “Atalanta” üzərində 2:0 hesablı qələbəni şərh edib.
Arena.az “fcinter1908.it” dərgisinə istinadən, italyan mütəxəssisin bu barədə fikrini təqdim edir:
“Biz çox güclü komandaya qarşı olmağımıza rəğmən, baş verənlərə münasibətdə mükəmməl yanaşma, düzgün köklənmə ilə meydana çıxdıq. Diqqət, güc-qüvvət və təzyiq – bizim uğurumuzun açarıdır. Amma qarşıda ən vacib oyun var, o Bazar ertəsi baş tutacaq – final. İndi Super Kuboku qazanmaq əvvəlkindən daha çətindir”, deyə Simone İnzaqi vurğulayıb.
“İnter” inamlı qələbə sayəsində İtaliya Super Kubokunun finalına yüksəlib. “Neradzurri” yarımfinalın digər cütü “Yuventus” – “Milan” oyunun qalibi ilə final oyununda 2024-cü il İtaliya Super Kubokunun qalibini müəyyənləşdirəcək.
