Bakı, TurkicWorld
ABŞ administrasiyası Suriyaya göstərilən humanitar yardıma qoyulan məhdudiyyətləri yumşaltmağa hazırlaşır.
TurkicWorld xəbər verir ki, Wall Street Journal-ın xəbərinə görə, ABŞ prezidenti Co Bayden hökuməti, bu gün humanitar yardımların Dəməşqin yeni hökumətinə daha sürətli çatdırılmasını təmin edəcək qərarını açıqlayacaq.
Bu addım ABŞ Xəzinədarlıq Departamentinə, su, elektrik enerjisi və digər əsas ehtiyacları təmin edən yardım qruplarına və şirkətlərə müəyyən güzəştlər vermək səlahiyyəti verəcək.
Məhdudiyyətlər yalnız humanitar yardımla məhdudlaşır və digər sanksiyalar qüvvədə qalır.
Rəsmilərin bildirdiyinə görə, bu dəyişiklik yardım qruplarının fəaliyyətini asanlaşdıraraq su, enerji və tibbi ləvazimatların Suriyaya daha tez çatdırılmasına kömək edəcək.
