“Milan”ın yeni baş məşqçisi Serjio Konseysao “İnter”ə qarşı İtaliya Super Kuboku uğrunda oyundan gözləntisi haqda söhbət açıb.
Arena.az “pianetamilan.it” dərgisinə istinadən, portuqal mütəxəssisin bu barədə fikrini təqdim edir:
“Milan” müvafiq oyunlarda oynamağa öyrəşmiş böyük klubdur. Bu, mənim oğlanlarım üçün vacib finaldır. Biz “Yuventus”la oyunun (2:1) ikinci hissəsində ləyaqətlə oynamışdıq və bu məqam çox vacibdir. Amma unutmayaq ki, bizim, istirahət üçün bir günümüz az olub. Biz təvazökarlıq baxımından fəaliyyət göstərməliyik, qorxu bucağından deyil. Biz “İnter”dən qorxmuruq, çəkinmirik. Biz qalib gəlmək istəyirik”, deyə Serjio Konseysao qətiyyətlə vurğulayıb.
Xatıraldaq ki, İtaliya Super Kuboku uğurunda “İnter” və “Milan”ın qarşılaşacağı həlledici oyun bu gün, yanvarın 6-da baş tutacaq. Hakim oyunu Bakı vaxtı ilə saat 23:00-da başladacaq.
