Bakı, 7 yanvar, AZƏRTAC
ABŞ Konqresi Donald Trampın 2024-cü il seçkilərində qələbəsini təsdiqləyib.
AZƏRTAC-ın məlumatına görə, seçkilərin nəticələrini Konqresə sədrlik edən, Donald Trampın 5 noyabr seçkilərində məğlub etdiyi vitse-prezident Kamala Harris elan edib. O, seçki kollegiyasında Donald Trampın 226 səsə qarşı 312 səslə ona qalib gəldiyini rəsmən təsdiqləyib.
İclas zamanı Ceyms Devid Vansın da vitse-prezident postu uğrunda mübarizəsi təsdiq edilib.
İclas dinc şəkildə keçib.
Qeyd edək ki, səsvermədə Donald Tramp 1,5 faiz fərqlə rəqibi Kamala Harrisi məğlub edib.
Donald Trampın andiçmə mərasimi yanvarın 20-də keçiriləcək.
Məlahət Nəcəfova
AZƏRTAC-ın xüsusi müxbiri
Vaşinqton
