Çinin Tibet Muxtar Bölgəsində baş verən 6,8 bal gücündə zəlzələdə ilkin məlumatlara görə 53 nəfər həyatını itirib, 62 nəfər yaralanıb. Zəlzələ Nepal və Hindistanda da hiss olunub.Çin Zəlzələ Şəbəkələri Mərkəzi (CENC) 6,8 bal gücündə zəlzələnin episentrinin Tibet Muxtar Bölgəsinin Şiqatse əyalətinin Tinqri rayonu olduğunu açıqlayıb.Zəlzələ yerli vaxtla saat 09.05-də yerin 10 kilometr dərinliyində baş verib.İlkin məlumatlara görə, zəlzələ nəticəsində 53 nəfər ölüb, 62 nəfər yaralanıb.Zəlzələ nəticəsində 1000-dən çox tikili müxtəlif səviyyələrdə zədələnib.Zəlzələdən sonra Çin Zəlzələ İdarəsi fəlakətdən xilasetmə işləri çərçivəsində bölgəyə bir qrup göndərib.ABŞ Geoloji Xidməti (USGS) zəlzələnin maqnitudasının 7,1 olduğunu açıqlayıb.
