"Sony" və "Honda" birgə müəssisəsi ABŞ-da ilk elektrik avtomobilini təqdim edib.
Valyuta.az xəbər verir ki, bu barədə "Kyodo News" məlumat yayıb.
"Afeela 1" avtomobilinin təqdimatı çərşənbə axşamı Las-Veqasda açılacaq dünyanın ən böyük texnologiya sərgilərindən biri olan CES 2025 ərəfəsində media tədbiri zamanı baş tutub. Dördqapılı sedan qəzaların qarşısını almaq üçün rəqəmsal panel və onlarla sensorla təchiz edilib.
Sony Honda Mobility でAFEELA1が呼ばれて登場。これは確かに他の会場ではできないな。AFEELA1がいよいよ販売予約受付中。まずは北米だけ？日本円だと1400万く〜から。 pic.twitter.com/E7yVXOwqCM
— ogiyasu (@ogiyasu) January 7, 2025
"Afeela 1"ə generativ süni intellektə əsaslanan qabaqcıl interaktiv xidmətlər daxildir. Texnologiya sürücülərə səsli əmrlərdən istifadə edərək avtomobildəki funksiyaları idarə etməyə və fərdiləşdirilmiş təkliflər almağa imkan verir.
"Sony Honda Mobility Inc." artıq qiyməti 89 900 dollar olacaq "Afeela 1" elektrik avtomobili üçün ilkin sifarişləri qəbul etməyə başlayıb. İlk tədarüklər 2026-cı ilə planlaşdırılır.
Elektrik avtomobili hazırda Kaliforniya sakinlərinin onlayn rezervasiyası üçün əlçatandır.
Paşa Məmmədli
